AfriForum se Lydenburg-tak het op 18 Mei 2021 ’n nuwe geiser by Huis Kanabas vir bejaardes in dié dorp geïnstalleer.
Hierdie projek volg nadat die vorige geiser gebreek het en die Thaba Chweu Plaaslike Munisipaliteit versuim het om die eenheid te vervang. Dit het die inwoners met slegs koue water gelaat.
“Dit is onaanvaarbaar dat ons oumense te midde van die COVID-19-pandemie en die koue winter wat voorlê só gelaat is. Daarom het ons die eenheid vervang,” sê Erich Venter, voorsitter van AfriForum se Lydenburg-tak.
Maak vandag nog ’n daadwerklike verskil in jou gemeenskap deur by jou plaaslike AfriForum-tak aan te sluit: SMS “Lydenburg” na 45350 (R1).