Die AfriForum-tak in Langenhovenpark, Bloemfontein, het op 23 Desember 2020 drie groot slaggate in Nelson Mandelarylaan herstel nadat dié slaggate verskeie motors se bande beskadig het.
Die tak het ongeveer 12 sakke teer gebruik om die drie slaggate te vul.
“Die munisipaliteit versuim om Bloemfontein se paaie in stand te hou. Die slaggate is ’n geweldige veiligheidsrisiko vir motoriste wat van dié hoofroete in Bloemfontein gebruik maak. Daar waar die munisipaliteit nie hul werk doen nie, sal AfriForum toetree om die gemeenskap te help,” sê Christo Groenewald, AfriForum se distrikskoördineerder vir Bloemfontein.
Raak vandag nog by die AfriForum-takke in Bloemfontein betrokke: SMS “Bloemfontein” na 31481 (R1).
