AfriForum se Lydenburg-tak het op 14 November as deel van die organisasie se #OnsDorp-projek sonkragligte by drie tehuise in Lydenburg geïnstalleer.
Die sonkragligte werk met ’n bewegingsensor wat dan ’n helder lig aktiveer wanneer daar beweging is. Die ligte is opgerig by die Lydenburg Rusoord-, Kiepersol- en Kanabas-behuisingsprojek vir bejaardes, om die persele te help beveilig.
“Ons wil graag meer van hierdie ligte installeer in areas wat deur misdadigers geteiken kan word. Gemeenskappe moet inisiatiewe soos hierdie aanpak om hulself te beveilig in plaas daarvan om te wag vir die regering om iets te doen,” sê Erich Venter, voorsitter van AfriForum se Lydenburg-tak.
Sluit vandag nog aan by AfriForum se Lydenburg-tak, SMS “Lydenburg” na 45350 (R1).