Danksy die burgerregte-organisasie AfriForum gaan die Nkungumathe-gemeenskap van Nkandla na ‘n jare lange stryd nou ’n skool ryker word.
Regter Rashid Vahed het vandag in die hoë hof in Pietermaritzburg in die gemeenskap se guns beslis om die KwaZulu-Natalse onderwysdepartement te dwing om vir hulle ’n skool te bou. Dít volg nadat dié gemeenskap van Nkandla vir AfriForum in Februarie 2017 om hulp genader het om druk op die regering te plaas om die Khuba Hoërskool te bou wat vroeër aan hulle belowe is.
