Lede van AfriForum se Wilgehof-tak in Bloemfontein, spelers van die Cheetahs-rugbyspan se Cheetahs for Change, spelers van die Hoërskool Jim Fouche se rugbyspanne en lede van die publiek het vandag ingespring om slaggate te herstel en strepe in die strate voor die skool oor te verf. Cheetahs for Change is omtrent ’n maand gelede op die been gebring om ’n verskil in die plaaslike gemeenskap te probeer maak en het die plaaslike AfriForum-takke genader om projekte saam aan te pak. Vandag se inisiatief was die eerste gesamentlike een en Christo Groenewald, AfriForum se distrikkoördineerder in Bloemfontein, het die hoop uitgespreek dat AfriForum en Cheetahs for Change nog baie projekte saam sal aanpak.
