Die AfriForum-tak in Sasolburg het in Julie 2021 meer as 100 slaggate gevul. Altesaam drie slaggate in Arnotstraat, 55 in Gamsberg- en Prinsbergstraat en 63 in Eros- en Roggeveldstraat is deur die loop van die maand herstel. Die tak het 62 sakke teer gebruik om die slaggate te vul.
Die AfriForum-buurtwag in Sasolburg het tydens die onluste in KwaZulu-Natal en Gauteng 100 voertuie gemobiliseer om die dorp te beveilig. Die tak het ook noodvoorrade ingesamel vir mense in KwaZulu-Natal om ’n bydrae te lewer aan diegene wat in nood verkeer het.
“Sasolburg se AfriForum-tak is net nooit ledig nie. Baie dankie vir die onbaatsugtige werk wat julle doen,” sê Alta Pretorius, AfriForum se distrikskoördineerder vir die Mooirivier-streek.
Die gemeenskap word aangemoedig om by dié AfriForum-tak betrokke te raak om sodoende ’n daadwerklike verskil te maak: SMS “Sasolburg” na 45344 (R1).
