AfriForum het gedurende Oktober vanjaar verskeie vullisterreine in die Tshwane Metro geoudit as deel van dié organisasie se nasionale projek om die stand van vullisterreine in Suid-Afrika te meet.Die oudit vorm deel van ’n jaarlikse nasionale veldtog waartydens vullisterreine in dorpe waar AfriForum-takke gevestig is aan die hand van 33 vrae gemeet word. Volgens toepaslike wetgewing en regulasies, onder meer die Wet op Nasionale Omgewingsbestuur: Vullis, 2008 (Wet No. 59 van 2008), moet ’n vullisterrein aan bepaalde vereistes voldoen, waaronder toegangsbeheer, stortingsregulasies, lisensiëring, brandregulasies, omheining en rehabilitasie.
’n Vullisterrein moet 80% behaal om aan die gestelde standaarde te voldoen, en die meeste van die vullisterreine in die Tshwane Metro het hierin geslaag.
Die uitslae lyk soos volg:
| Vullisterrein | Munisipaliteit/besturende maatskappy | Prestasie in 2016 |
Prestasie in 2017 |
| Bronkhorstspruit | Tshwane Metro | 64% | 75% |
| Cullinan (Depot) | Tshwane Metro | – | 70% |
| Ga-Rankuwa | Tshwane Metro | – | 83% |
| Hatherley | Tshwane Metro | 36% | 80% |
| Onderstepoort | Tshwane Metro | 52% | 70% |
| Soshanguve | Tshwane Metro | – | 83% |
| BonAcord | The Waste Group (privaat) | – | 98% |
| Mooiplaats | The Waste Group (privaat) | 76% | 99% |
| Interwaste FG Landfill Site |
Interwaste Environmental Solutions (privaat) | 100% | 100% |
“Die vullisterreine word baie goed bestuur, veral die terreine wat privaat bestuur word. Die grootste probleme wat AfriForum tydens die oudit ondervind het, is probleme met diefstal, vandalisme en beskadiging van eiendom soos omheinings,” sê Lambert de Klerk, AfriForum se distrikskoördineerder vir Gauteng.
AfriForum sal die proses deurlopend moniteer om te verseker dat vullisterreine wat tekort skiet op peil gebring word.